الأربعاء، 5 مارس، 2008

ثوار الأرض ..اهداء الينا نحن العرب

يا مدرعات عودي لديارك عودي ... مابدنا حرب ولا صوت الرعودِ بدنا ترفيه بدنا نرقص ونغنى ... وعند النسوان نبقى مثل الأسود ************ ناموا بكّير لا تهتموا يا أولادي .. تحرير الأرض ما بدو حادي بادي بدّو الحان يرقص عليها الشادي ... لتفرح أمي وتسمّعنا الزغرودي
********** انسى العراق وانسى مهد الحضارة ... إياك تثور وتعمل فيها جيفارا أفغانستان ولعت مثل السيجارة ... لما بن لادن فكّر يحمل بارودي ************ خلّي الطبّال يتجلى فوق المسرح ... تيغني الشعب والبنت الحلوة تفرح وعيون وساع تحرسها رموش بتجرح ... أنا دخيلك يا إم عيون السود ************ خلينا نعيش رقص وطبل وزمارة.. لترقص بنتي وامي وستي الختيارة ونعزف الحان ونرّقص كل الحارة ... ويا كرامتنا عودي لديارك عودي *********** غزة غرقانة بالعتمة والمذابح ... طفل وختيار وكل اللي طايح رايح يا عرب اصحوا ومكفينا فضايح ... بلا ما اصرخ وابدأ الطم عخدودي