.. قد ما احكي عن حظي مش رح توصل الصورة مثل ما انا عايشها
يعني شو احكي والا شو اشرح ؟؟
يوميا منذ ساعات الصباح الاولى وحتى تنام بنت الشحاذة وانا عايش بنحس
حياتي كلها عبارة عن طنجرة مقلوبة
وبرجع بعيد قصتي اللي صار الكل عارفها تقريبا
كل الناس بتبدأ من الصفر للواحد وبتتدرج لحد اعلى رقم
انا بعكس كل الناس
بدأت من رقم كبير وصرت اعد تنازلي لكل امور حياتي
يعني كمثال :
الشخص العادي ممكن يخلص دراسة توجيهي ..يروح عالجامعه
يتخرج .. يطلع عالخليج ..يجمع شوية مصاري ويرجع يتزوج ويفتحح مصلحه
او يلاقي وظيفة ثابته ..
انا بدأ بالعكس تماما ..
وقفت من عندي التوجيهي ورحت ادور على شغل ..
عملت مصلحه .. بعدها صار معي مصاري .. فكرت اخطب .. ولما خطبت
اجا عبالي اتغرب ..سافرت عالخليج .. رجعت انفصلت عن خطيبتي و بدأت دراسة من جديد
بحاول ادور تحليل منطقي لعيشتي .. مش قادر احاول استطيع
ومع ذلك ..تعودت عالنكد وسوء الحظ
صار اليوم اللي بحس حالي متفائل او مبتسم .. مش محسوب من عمري
بعرف ناس بتصير احوالهم زفت ونكد وحظ نحس .. بس فترة وبتعدي
انا لأ .. صرت والنحس اخوين كانا ارضعا بلبان
نصيحه ابعدوا عني .. لأن الحظ السيء عدوى يمكن يصيب اي واحد
هناك 9 تعليقات:
أنا مش عارف ليش الناس كلها عايشة بتشاؤم هاليومين، ليونس فتحت الباب، لحقها سفو، و سحب على نفس الخط لونار، و هلأ حضرة شلهوب أفندي، الظاهر في حاجة في الهوا أو الماي... يمكن! بس الغريب إنه بعض الشخصيات المذكورة أعلاه في بلد بعيد عن الشخصيات الأخري... بس يمكن العدوي بتمشي من بلد لبلد، بلشت من دبي و هلأ وصلت الأردن.
يا جماعة... تفاءلوا... ما في حاجة دايمة إلا ربنا... و تذكروا إنه مع العسر يسراً... و الليل لا بد و أن سيأتي بعده نهار.
يا خوي يا عبدالحليم (و الكلام كمان بيمشي مع الجميع)، شوف نص الكوب المليء و احمد ربنا علي نعمه الكثيرة، و يحضرني في هذا المقام هذه القصة التي لا أعلم مدي صحتها و لكنها تلخص ما أريد أن أقول:
أحد السلف كان أقرع الرأس أبرص البدن أعمى العينين مشلول القدمين واليدين وكان يقول: "الحمد لله الذي عافاني مما ابتلى به كثيراً ممن خلق، وفضلني تفضيلاً".
فمر به رجل فقال له: مما عافاك؟ أعمى وأبرص وأقرع ومشلول فمما عافاك؟
فقال: ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً، اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر.
و هناك مثل (على الأغلب أنه مثلٌ صينيّ) يقول: "كنت شديد التذمر لأنني بدون حذاء إلي أن وجدت من هو بدون رجلين".
و إن شاء الله بتتغير الأحوال للأحسن عند الجميع
حاسك بتوصف فيّ
):
يا زلمة عادي
كلنا بنفس القفة
صدّق أنا كنت خايف عليكو من نفس الشي
بس طلع إللي بجمعنا أكبر من هيك بكثير
وصدّق ما آني تاركك
غير أظل ملزق فيك مثل لزقة الكوكس
الموت مع الجماعة رحمة يا عبد
وخلي أملك بالله كبير
وربنا يفرجها عليك وعلينا
اخ شفيق
والله ما انا عارف شو احكي والا شو اوصف ؟؟ الوضع اصعب من انه نحس اصعب من انه سوء حظ .. المسألة وصلت لمرحلة الابتلاء ..ونفذ الصبر ..
طيب احكيلك تلميح بسيط..
الاسبوع اللي مضى ..من يوم الخميس لحد اليوم ما غمضت عيني ولا نمت ويادوب اكلت لقمتين مجابرة علشان اقدر اوقف ..
طبعا مش انا لحالي ..لأن المسأله عائلية
يعني صار عندنا سلسلة مشاكل وبدأ تتعقد بشكل غير منطقي ..
وربنا يفرجها عالجميع .
الاخ صالح ..
اشكرك يا سيدي على مرورك وعلى مواعظك الجميله .. وانا من اشد الناس ايما بقضاء الله وقدره ..لكن نحن بشر ..ولنا طاقة محدودة على تحمل المصائب ..
فقط اسألك الدعاء لي في ظهر الغيب
تقبلوا تحياتي
شميت ريحة اسمي في الموضوع :D
هيك يا صالخ هو انا اللي فتحت الباب و الا الكل كان قاعد على دقرة ^_^
على اي حال بدي احكي الشي اللي دايما بواسي حالي فيه انه الدنيا دار شقاء و فناء فالله يصبرنا نعيشها بالطول و العرض بس المهم ما نخسر الاخرة
و خلينا نتذكر دايما قوله تعالى
(انما يوفى الصابرون اجرهم بغير حساب)
هذا وعد من الله و الله لا يخلف وعده
اللهم اجعلنا من الصابرين الشاكرين في السراء و الضراء
مصيرها تفرج شباب ^_^
بارك الله فيكي اختي الكريمة
وفرج عنا وعنكي وعن جميع المسلمين
اشكر مرورك وحسن عزاءك
يخاطبني السفيه بكل قبح .. وآسف ان اكون له مجيبا
يزيد حماقة وأزيد حلما ... كعود زاده الاحراق طيبا
...
اهم شي سيد 3 فواصل
ولا بلاس
مثله كمثل الكلب
لا اله الا الله بس
الله يعنيك يا شلهوب
اشكرك اختي ام عمر
بس والله طول عمري ماشي عدل والحمد لله
فهذا الشخص اما اكون بالزمانات عامل فيه عملة شنيعه او ان الغيرة بتنخر بعظامه .. ولو هو انسان سوي كان بيواجهني وبيحكيلي هو مين وشو عايز مني ..اما انا فبفتخر بوضعي التعيس والحمد لله ظاهر للكل وما عندي لفلفة ولا حسد ولا غيرة .. بس مثل ما قالوا
القافلة تسير والكلاب تنبح
او لا يضر السحاب نبح الكلاب
هو انسان مريض على الاغلب ..
الله يشفيه
والله كلامك بيوزن دهب يا شلهوب
ميه ورده للناس العاقله امثالك
:give:
إرسال تعليق