.. بقولك ان البندورة كثير مفيدة وبتقوي الدم ..
بعد كم يوم .. بيقولك ان كثرة البندورة مش كويسة وبتسبب بعض الامراض !
بيقولك ان الليمون احسن شيء للجسم وبيشد المعده وبيخفف الكرش
..بيقوللك ان الليمون بينشف الدم وبيعمل قرحه بالمعده وبيسبب امراض
بيقولك ان الشمس اهم شيء لصحة الجسم واعطاءه صبغة الميلامين ..
بس برضو بيقولك التعرض المباشر للشمس بيعمل سرطان للجلد
بيقولك اذا صرت ( تكح ) وتسعل احسن شيء تشرب زعتر اخضر
بس بيقولك في مكان آخر ان الزعتر بيرخي الاوتار الصوتية وبيزيد من السعال
بيقولك .. بيقولك .. بيقولك .. بكل يوم وبكل مكان رح تسمع هالكلمة
الشيء الوحيد اللي نفسي حد يقوللي اياه .. مين هو اللي بيقولك ؟؟
هناك 4 تعليقات:
مين بقول
واحد فاظي اشغال,, بحب يستنتج الفوائد الغذائيه والدوائيه
طالب طب بفعفط
واحد قارى عنوان ف جريده ومقرأش باقي النص
على فكرة ..
هيك مسائل ممكن تودي القبر..
وهالشيء متفشي بشكل مش طبيعي بمجتمعنا
يعني تعالي على سبيل المثال لأي شخص احكيلي عندي وجع معين
مباشرة وبدون تردد رح يعطيكي وصفة ويحلفلك انها مجربة
بدنا نلاقي حل لهيك ظاهرة
ما بينفع البلد كلها تكون اطباء
صديقي شلهوب
هاي كلها عبارة عن دراسات عشوائية
لعينات محددة من الناس
والصح إنه ما يتم تعميم نتائجها
إنتِ شوف الشاي شو في عليه دراسات
وكل وحدة عكس الثانية
المحصلة
كل إنسان أدرى بنفسه
إذا الشاي بعملك نقص حديد لا تشربه مع الأكل
وإذا البندورة بتعملك قرحة خفف منها
وإذا اللمون بطريلك الأحبال الصوتية
ظلك إلهط تا تقول بس
ودمت والجميع بخير وصحة وعافية
هلا بسيدي المختار ..
عن جد بيقولك ان الشاي بعد الأكل بيهدم الحديد بالجسم
وبيقولك ان الشاي بعد الأكل بيهضم وبيريج المزاج
الله يديم علينا نعمة الشاي والأمان
إرسال تعليق